5 Yanvar 2023 yil
824
O’g’irlikni uy bekasi sodir etgan
Jizzax shahrining Sayxon mahallasida yashovchi tadbirkor A.U. ichki ishlar organlariga murojaat qilib, “Markaziy” dehqon bozoridagi savdo rastasidan unga tegishli bo’lgan qiymati 200 hamda 250 ming so’mlik 2 dona uyali aloqa vositasini noma’lum shaxs o’g’irlab ketganligini bildirgan.
Soha hodimlari tomonidan olib borilgan tezkor qidiruv tadbirlari natijasida mazkur jinoyat SHarof Rashidov tumani Mirzo Bobur mahalla fuqarolar yig’inida istiqomat qiluvchi uy bekasi SH.I. tomonidan sodir etilgani aniqlandi. Undan o’g’irlangan vositalar hujjatlashtirib olingan. Mazkur holat bo’yicha tergovga qadar tekshiruv harakatlari olib borilmoqda.
