Sharof Rashidov tumanida “Xavfsiz tun” profilaktik tadbiri o`tkazildi
Sharof
Rashidov tumanida Jizzax viloyati IIB JXX sohaviy xizmatlari hamda tuman IIB
xodimlari hamkorligida “Xavfsiz tun” profilaktik tadbiri o`tkazildi. Tadbir
avvalida xizmatga jalb etilgan huquq-tartibot organlari, jamoat tashkilotlari
vakillari uchun mas’ullar tomonidan yo`riqnoma o`tildi. Tadbirda viloyat IIB
boshlig`i o`rinbosari, podpolkovnik Rahmatulla Bo`riev aholi osoyishtaligini
saqlash, kriminogen vaziyat barqarorligini ta’minlash yuzasidan aniq
vazifalarni belgilab berdi.
Tadbirda qizil
toifadagi “Uch-tepa” va “Xalqobod” mahallalarida ettilik tomonidan hududda
kriminogen vaziyatni yaxshilash yuzasidan olib borilayotgan ishlar tahlil
qilindi. Bunda asosiy e’tibor ijtimoiy profilaktika ob’ektlari bilan yakka
tartibda olib borilayotgan profilaktik tadbirlarga qaratildi. Jarayonda ayni
yo`nalashdigi mavjud kamchiliklar ko`rsatilib, davlat xizmatchilari ish
faoliyati samaradorligini oshirish bo`yicha zarur ko`rsatma va amaliy yordam
ko`rsatildi.
Viloyat IIB
JXX JTSB PPXB xodimlari profilaktika inspektori bilan birga hududdagi mavjud
umumiy ovqatlanish shahobchalari, choyxona, restoran va kafelar, savdo va
ko`ngilochar muassasalarda targ`ibotlar qilishdi.
Shuningdek,
tuman IIB JXX probasiya guruhi nazoratida jazo o`tayotgan mahkumlar hamda
ma’muriy nazorat ostidagi shaxslar bilan profilaktik suhbat, harakat
xavfsizligini ta’minlashga qaratilgan reydlar ham qilindi.
