Jizzax viloyati ichki ishlar boshqarmasi hamda boshqa huquqni muhofaza qiluvchi idoralar va mas’ul tashkilotlar xodimlaridan iborat ishchi guruh tomonidan “Aydar-Arnasoy” ko`llar tizimi hududlarida noqonuniy ov, baliq ovlash, yovvoyi holda o`suvchi o`simliklarni terish-yig`ish kabi qonunbuzarliklarga qarshi kurashish va oldini olishga qaratilgan tadbirlar o`tkazilmoqda. Dastlab xizmatga jalb etilgan ishchi guruh a’zolari uchun yo`riqnoma o`tilib, qilinishi lozim bo`lgan vazifalar belgilandi. Shu asosida “Aydar-Arnasoy” ko`llar tizimiga tutash bo`lgan Forish, Zafarobod va Arnasoy tumanlarida maxsus profilaktik tadbir uyushtirildi.

Arnasoy tumani Baxtli mahallasi hududida harakatlanayotgan “Niva” ishchi guruh tomonidan to`xtatilgan. Mirzo Bobur mahallasida yashovchi 1952 yilda tug`ilgan fuqaro boshqaruvidagi ushbu avtoulovni tekshirish chog`ida avtomashina salonida 21 kilogramm baliq mahsulotlari borligi aniqlangan. Haydovchi ushbu baliq mahsulotlarini “Aydar-Arnasoy” ko`lidan noqonuniy ravishda olib kelayotganligi uchun tegishli tartibda hujjatlar rasmiylashtirilgan. Mavsum boshidan buyon shu kabi tadbirlarda jami 286 kilogramdan ziyod baliq mahsulotlari hujjatlashtirib olingan.

Shuningdek, Forish tumani Istiqlol mahallasida yashovchi 1980 yilda tug`ilgan fuqaro noqonuniy “hujra” tashkil qilganligi aniqlandi va qidiruvda bo`lgan bir nafar shaxs ushlandi.

Tadbir davomida “Aydar-Arnasoy” ko`llar tizimi suv havzalari atrofidagi qo`ylar otarlari, baliqchilik brigadalari, suv havzalari yaqin bo`lgan aholi punktlarida targ`ibotlar qilindi.

Qisqasi mazkur tadbirda 9 ta qayiq, 68 ta to`r, 45 dona qarmoq tegishli tartibda hujjatlashtirib olinib, 13 ta transport vositalari jarima maydonchalariga joylashtirilgan.

Jizzax viloyati IIB axborot xizmati