IIV Akademiyasi boshlig`ining tashabbusi va buyrug`i bilan oliy ta’lim muassasasida faoliyat yuritayotgan kafedralar xududiy ichki ishlar organlariga biriktirilgan. Bunda asosiy e’tibor huquqbuzarliklar profilaktikasi va jamoat tartibini saqlash borasida yuzaga kelayotgan muammolarni amaliyot xodimlari bilan hamkorlikda ilmiy tahlil qilish, jinoyatchilikka qarshi kurash faoliyati samaradorligini yanada oshirish bo`yicha uslubiy va metodik yordam ko`rsatish rejalangan. Ayni kunlarda Akademiyaning jinoyat huquqi kafedrasi xodimlari Jizzax viloyatida belgilangan vazifalar ijrosi yuzasidan bir qancha ishlarni amalga oshirishmoqda. Xususan, so`nggi o`n kun davomida bilim yurti xodimlari viloyat IIB JXX HPB mas’ullari bilan hamkorlikda Jizzax shahri, Sharof Rashidov, Paxtakor, G`allaorol, Arnasoy tumanlaridagi mahallalarda bo`lishdi. Jarayonda huquqbuzarliklar profilaktikasi va jamoat tartibini saqlash, “Obod va havfsiz mahalla” tamoyili asosida mahalla “beshlik”larining huquqbuzarlik sodir etish yoki undan jabrlanish ehtimoli yuqori bo`lgan shaxslar bilan amalga oshirilayotgan ijtimoiy profilaktika chora-tadbirlari, yurituvdagi hujjatlar o`rganildi. Tadbir davomida aniqlangan xato va kamchiliklarni joyida bartaraf etish bo`yicha uslubiy va amaliy yordamlar ko`rsatildi.

Bundan tashqari, amaliyotda yuzaga kelayotgan muammolarni xal etishga doir taklif va tavsiyalar ishlab chiqish maqsadida xodimlar bilan jamoaviy va yakka tartibda suhbatlarlar ham qilinmoqda. Bu o`z navbatida huquqbuzarliklar profilaktikasi, jamoat tartibini saqlash va jinoyatchilikka qarshi kurashish bo`yicha hudud metodikasini ishlab chiqish va shu orqali ichki ishlar organlarida xizmat olib borayotgan xodimlar faoliyati samaradorligini yanada oshirishga xizmat qilayotir.