Jizzax viloyati ichki ishlar boshqarmasi JXX sohaviy xizmatlari G`allaorol tumanida hududiy ichki ishlar bo`limi shaxsiy tarkibi bilan birgalikda qonunbuzarliklarning oldini olish, jinoyatchilikka qarshi kurashishga qaratilgan qator tadbirlarni amalga oshirdilar. Mazkur jarayonda asosiy e’tibor “qizil” toifadagi mahallalarga qaratildi.

Shuningdek, yo`l-transport hodisalarining oldini olish maqsadida serqatnov yo`llarga fotoradarlar o`rnatildi. Jazoni ochiqda o`tayotganlar, muqaddam sudlanganlar, ma’muriy nazorat ostidagi shaxslar bilan profilaktik suhbatlar o`tkazildi. 20 ga yaqin ov miltig`iga ega shaxslarning qurollarni qanday saqlayotganliklari o`rganildi. Tadbirlar davomida profilaktika inspektorlari faoliyatiga oid ish hujjatlarining yuritilishi ham tekshirildi.

Shu kuni kechqurun “Xavfsiz tun” profilaktik tadbiriga jalb qilingan soha vakillariga viloyat ichki ishlar boshqarmasi boshlig`i o`rinbosari, podpolkovnik Rahmatulla Bo`riev topshiriqlar berdi. So`ng aholi punktlarida patrullik va nazorat amalga oshirildi. Bu jarayonda ma’muriy huquqbuzarlik sodir etgan 7 nafar fuqaroga javobgarlik choralari belgilandi. Ko`p qavatli uylarning yo`laklarida qarovsiz qoldirilgan 39 ta buyum egalariga topshirildi. Bundan tashqari, ellikka yaqin korxona va tashkilotlar qorovullarining tungi xizmatni qanday olib borayotganliklari tekshirildi.

 Jizzax viloyati IIB axborot xizmati