Sharof Rashidov tumanining “Tuyoqli” mahallasida obodonlashtirish ishlari jadal olib borilmoqda
Sharof Rashidov tumanining “Tuyoqli” mahallasida “Obod xonadon”, “Obod
ko`cha”, “Obod mahalla” dasturlari asosida qurilish, ta’mirlash,
obodonlashtirish ishlari boshlab yuborildi. Ushbu mahalla 3- sektorda
joylashgani bois ichki ishlar organlari xodimlari mazkur ezgu tadbirda faol
ishtirok etmoqdalar.
3 ming 850 kishi istiqomat qiladigan “Tuyoqli”da zamon talablariga mos
fuqarolar yig`ini binosini yuzaga keltirish, ko`chalarning 8 kilometriga
asfalt, 2 kilometriga shag`al yotqizish rejalashtirilgan. Shuningdek, 1 ta
transformator hamda 50 ta yoritgich o`rnatish, 3 ta elektr transformatorini
ta’mirlash, 30 ta eskirgan simyog`ochni yangilash, 1 ming 300 metr uzunlikdagi
elektr simlarni qoplamalisiga almashtirish, 1,3 kilometr uzunlikda ichimlik
suvi tarmog`i tortish, suv minorasi hamda 600 metr uzunlikdagi tabiiy gaz
tarmog`ini ta’mirlash ko`zda tutilgan.
Qolaversa, 38- sonli o`rta
umumta’lim maktabi joriy ta’mirlanib, 2 kilometrlik piyodalar yo`lakchasi
bunyodga keltiriladi. Turar joylarni bo`yash, devorlarni ta’mirlash hamda
ariqlarni tozalash yo`li bilan aholi punktiga ko`rkam qiyofa baxsh etish
mo`ljallanayapti. Shu ma’noda hududga Sharof Rashidov tumanidagi bir qator
tashkilotlardan 10 dan ortiq tekislash, ortish, qazish hamda yuk tashish
texnikalari va 500 ishchi-xodim jalb qilingan. Tuyoqlini bahor yanglig`
o`zgartirayotganlar orasida Jizzax viloyati ichki ishlar boshqarmasi boshlig`i
rahbarligidagi 150 ziyod soha vakillari bor.
