Bayram munosib nishonlandi
25 oktyabr - Ichki ishlar organlari xodimlari kuni munosabati bilan Jizzax viloyati hokimligida o‘tkazilgan tantanada soha xodimlari, huquqni muhofaza qiluvchi organlar mas’ullari hamda faollar qatnashdi. Tadbir avvalida viloyat hokimi vazifasini bajaruvchi Ulug‘bek Mustafoev va boshqa mas’ullar yig‘ilganlarni qutladi.
Mazkur jarayonda davlatimiz
rahbarining 2025 yil 24 oktyabrdagi “Ichki
ishlar organlari xodimlari kuni munosabati bilan bir guruh xodimlarni mukofotlash
to‘g‘risida”gi farmoni asosida “Sodiq xizmatlari uchun” medali bilan Sharof Rashidov
tumani IIB probatsiya guruhi inspektori Xurshid Maxmudov taqdirlangani ma’lum qilindi.
Shuningdek, hamkasblariga
ibrat ko‘rsatayotganlar “A’lo xizmatlari uchun”, “Ichki ishlar organlarida benuqson
xizmatlari uchun”, “Kinolog”, yana qator faxriylarga “Ichki ishlar organlarining
faxriy xodimi” ko‘krak nishonlari hamda navbatdagi va navbatdan tashqari maxsus
unvonlar topshirildi. Bir qancha ilg‘orlar esa faxriy yorliq, tashakkurnoma va qimmatbaho
sovg‘alar bilan rag‘batlantirildi.
Tantanada “Eng yaxshi ma’naviy-ma’rifiy
ishlar targ‘ibotchisi”, “Eng yaxshi tergovchi”,
“Eng yaxshi tezkor xodim”, “Eng yaxshi profilaktika inspektori” ko‘rik-tanlovlari
g‘oliblari mukofotlandi.
Jizzax viloyati IIB axborot xizmati.
