Ushbu shior ostida Jizzax viloyati ichki ishlar boshqarmasida O`zbekiston Respublikasi davlat mustaqilligining 33 yilligi munosabati bilan tantanali tadbir o`tkazildi.  Jizzax viloyati ichki ishlar boshqarmasi, hududiy ichki ishlar boshqarma va bo`limlari hamda sohaviy xizmatlar vakillari, shuningdek, faxriylar ishtirokida tashkil etilgan tadbir avvalida viloyat ichki ishlar boshqarmasi boshlig`i, general-mayor G`ayrat Qodirov so`zga chiqib, yig`ilganlarni bayram bilan qutladi.

So`ng Ichki ishlar vaziri buyrug`i asosida faol xodimlarga “polkovnik”, “mayor” hamda “leytenant” maxsus unvonlari, Ichki ishlar vazirligi faxriy yorliqlari, “A’lo xizmatlari uchun” hamda “Ichki ishlar organlarida benuqson xizmatlari uchun” ko`krak nishonlari, esdalik qo`l soatlari va kitoblar to`plami tantanali ravishda topshirildi.

Shuningdek, ko`p yillik fidokorona xizmatlari, yosh avlodni vatanparvarlik ruhida tarbiyalash ishiga qo`shayotgan hissasi uchun 14 nafar sobiq ichki ishlar organlari xodimlari Ichki ishlar vazirligi faxriylar kengashining “Ichki ishlar organlari faxriysi” ko`krak nishoni, yana 14 nafar faxriy “Tashakkurnoma” va esdalik sovg`alari bilan taqdirlandi. Tadbir orkestr musiqa sadolari ostida bayram qatnashchilarining tantanali paradi bilan nihoyalandi. Shu kuni soha faxriylari Jizzax viloyati ichki ishlar boshqarmasi tarixi muzeyida ham bo`ldilar.