Jizzax viloyati ichki ishlar boshqarmasi boshlig`i, general-mayor G`ayrat Qodirovning navbatdagi sayyor qabuli Yangiobod tumanining Do`stlik mahallasida o`tkazildi. Qabul avvalida ehtiyojmand oilalarning 3 nafariga elektr pechlari, 2 nafariga imtiyozli kredit ajratilganligi haqidagi sertifikatlar, 3 nafariga moddiy yordam hamda 3 nafar yoshlarga ИД kartalar topshirildi.

Muloqotda Do`stlik, Yangiobod va Sarmich mahallalarida istiqomat qiluvchi fuqarolar sektor rahbaridan o`zlarini qiynayotgan muammolarini hal etishda yordam so`rashdi. Xususan, ichki ko`chalarga shag`al yotqizish, elektr tayanch ustunlarini almashtirish, ichimlik suvi bilan ta’minlash, moddiy yordam, ish bilan ta’minlashga oid masalalarga mutasaddilar ishtirokida echim izlandi.

Qabul davomida viloyat ichki ishlar boshqarmasi boshlig`i ko`p tarmoqli markaziy poliklinikada yuzaga keltirigan sharoitlarni ko`zdan kechirdi.

Ma’lum qilinishicha, 100 o`rinli salomatlik maskaniga qo`shimcha yana 100 o`rinli bino qurilib bir oy muqaddam foydalanishga topshirilgan. Hozirda bu erda 15 nafar shifokor hamda 75 nafar hamshiralar aholi salomatligi yo`lida xizmat qilishayapti. Muassasada kasalliklarga tashxis qo`yish hamda davolash uchun barcha qulayliklar yaratilib, zamonaviy tibbiy uskunalar bilan jihozlangan.

Ta’kidlash joiz, 3- sektor rahbarining shu oy boshida tumanda o`tkazgan sayyor qabulida aholi tomonidan bildirilgan masalalarning aksariyati bartaraf etilib, aholining turmush sharoitini yanada yaxshilash bo`yicha ishlar davom etmoqda.