Boshqarma boshlig`i qurilish jarayoni bilan tanishdi
Jizzax viloyati ichki
ishlar boshqarmasi boshlig`i, general-mayor G`ayrat Qodirov Paxtakor tumani
ichki ishlar bo`limi hududida barpo etilayotgan inshootlarni ko`zdan kechirdi.
Chunonchi, bu erda 24 o`rinli vaqtincha saqlash hibsxonasi bunyod qilingan
bo`lib, ayni vaqtda jihozlash, aloqa va axborot tizimlari, shuningdek, kuzatuv
kameralarini o`rnatish jarayoni kechmoqda. Mazkur binoni yaqin kunlarda
foydalanishga topshirish ko`zda tutilyapti.
Xuddi shunday, boshqarma
boshlig`i hududda qurilayotgan migrasiya va fuqrolikni rasmiylashtirish guruhi,
probasiya guruhi xizmat xonalari, yotoqxona, navbatchilik o`tkazish punkti
hamda saf maydonida bo`ldi. O`z navbatida general-mayor G`ayrat Qodirov
ishlarni sifatli amalga oshirish, kommunikasiya tarmoqlarini o`rnatish,
ko`kalamzorlashtirish va obodonlashtirishga oid topshiriq va tavsiyalarini
bildirdi.
