“Dolzarb 40 kunlik” profilaktik tadbir doirasida targ`ibot tadbirlari o`tkazilmoqda
“Dolzarb 40 kunlik”
tezkor-profilaktik tadbir doirasida Jizzax viloyati ichki ishlar boshqarmasi
xodimlari tomonidan joylarda targ`ibot tadbirlari o`tkazmoqda. Xususan, viloyat
IIB JXX JTSB PPX bataloni xodimlari oliy ta’lim muassasalarida uchrashuv
uyushtirishdi. Jizzax politexnika instituti hamda O`zbekiston milliy
universiteti Jizzax filiali talabalari ishtirokidagi tadbirda yoshlar tungi
vaqtlarda bemaqsad yurmasliklari, har qanday huquqbuzarlik uchun javobgarlik
muqarrarligi, is gazidan zaharlanmaslik uchun e’tibor qaratiladigan masalalar,
vaqtincha turar joylarida ro`yhatdan o`tish tartiblari tushuntirildi. Shu bilan
birga aynan talaba yoshlar ishtirokida sodir etilgan jinoyatlar, ularning sabab
va oqibatlari aytildi.
Bundan tashqari sovuq qurol
yoki hayot va sog`liq uchun xavfli bo`lgan buyumlarni olib yurgan hamda jinoyat
va huqubuzarlik sodir etishga moyil shaxslar aniqlanganda ichki ishlar
bo`limlari yoki 102 qisqa raqamiga xabar berishlari uqtirildi. Shuningdek,
firibgarlar tuzog`iga tushib qolmaslik, bank plastik kartalarining yashirin
kodlarini hech kimga aytmaslik lozimligi etkazildi.
Yangi yil bayramlari
arafasida pirotexnika vositalaridan foydalanmaslik, ularni sotish yoki sotib
olish javobgarlikka sabab bo`lishi aytildi. Talabalar mavzu yuzasidan o`zlarini
qiziqtirgan savollariga javob olishdi.