Dolzarb mavzuda muloqot o`tkazildi
Ichki ishlar vazirligi Akademiyasi tashabbusi bilan
jahon iqtisodiyoti va diplomatiya universitetida “Yoshlar o`rtasida jinoyatchilikka qarshi kurashish” mavzusida
davra suhbati bo`lib o`tdi. Oliy o`quv yurti pedagogik jamoasi hamda talabalar
ishtirokida uyushtirilgan tadbir davomida huquqbuzarlik va jinoyatlarning
barvaqt oldini olish, profilaktik tadbirlarni samarali tashkil etish,
giyohvandlik hamda kibertahdidlarga qarshi kurashish borasida ma’ruzalar
o`qildi.
Shuningdek, Ichki ishlar vazirligi Akademiyasi
tashkiliy-strategik boshqaruv yo`nalishi tinglovchisi, podpolkovnik Akmal
Muratov g`oyaviy xurujlarga qarshi kurash yuzasidan chiqish qildi. Mazkur
jarayonda yoshlarda buzg`unchi mafkuralarga nisbatan immunitetni kuchaytirish,
diniy aqidaparastlik, terrorizm va uning ayanchli oqibatlariga e’tibor
qaratildi. Yig`ilishda mavzuga oid hujjatli ko`rsatuvlar namoyish qilindi.
Yakunda talabalar masullardan o`zlarini qiziqtirgan savollarga javoblar
olishdi.
