Ishchi guruh tomonidan amaliy yordam ko`rsatilmoqda
O`zbekiston mahallalar uyushmasi raisi Qahramon
Quronboevning topshirig`i asosida Jizzax viloyati Do`stlik tumanidagi
mahallalarda o`rganish olib borilmoqda. Tadbir doirasida uyushma raisi
rahbarligida videoselektr yig`ilishi o`tkazildi. Ishchi guruh a’zolari,
mas’ullar ishtirok etgan yig`ilishda “Obod va xavfsiz mahalla” tamoyili asosida
xavfsiz muhitni yaratish yuzasidan aniq vazifalar belgilandi.
Mazkur yig`ilishda berilgan topshiriqlar asosida
ichki ishlar vazirligi jamoat xavfsizligi departamenti huquqbuzarliklar
profilaktikasi xizmati boshlig`i, polkovnik Baxtiyor Beridialiev tumanning
“Sanoatchilar” mahallasida bo`ldi. Jarayonda aholi muammolarini o`rganish,
bandligini ta’minlash, oilalarni mustahkamlash, ma’naviyat va ma’rifat, yoshlar
tarbiyasi yo`nalishlarida olib borilayotgan ishlarga diqqat qilindi.
Shuningdek, mahalla binosida ettilik faoliyat ko`rsatishi uchun yaratilgan
sharoitlar, zarur jihozlar bilan ta’minlanishiga e’tibor qaratildi.
O`rganish chog`ida hududda jinoyat va
huquqbuzarliklarning barvaqt oldini olish, fuqarolarni qiynayotgan muammolarini
o`rganish va amaliy yordam ko`rsatish zarurligi ta’kidlandi urg`ulandi.
Ishchi guruh tomonidan o`rganishlar davom etmoqda.
