Ichki ishlar vazirligi Jizzax akademik liseyida yangi o`quv yilining boshlanishi munosabati bilan tadbir o`tkazildi
Ichki ishlar vazirligi Jizzax akademik liseyida yangi
o`quv yilining boshlanishi munosabati bilan uyushtirilgan tadbir «Bir bo`lsak —
yagona xalqmiz, birlashsak — Vatanmiz!» shiori ostida o`tdi. Lisey o`quvchilari
hamda pedagogik jamoa vakillari ishtirokida uyushtirilgan tantana avvalida
Jizzax viloyati ichki ishlar boshqarmasi boshlig`i o`rinbosari, podpolkovnik
Hamidullo Abdullaev barchani respublikamiz Mustaqilligining 33 yilligi bilan
qutladi.
Notiq
istiqlol yillarida amalga oshirilgan islohotlar hamda erishilgan natijalarga
to`xtaldi. Shu bilan birga lisey jamoasining yutuqlari e’tirof qilindi.
Chunonchi, joriy yilda lisey bitiruvchilarining 27 nafari Ichki ishlar
vazirligi akademiyasi, 7 nafari jamoat xavfsizligi universiteti, 4 nafari
Chirchiq oliy tank qo`mondonlik-muhandislik bilim yurti, 1 nafari favqulodda
vaziyatlar vazirligi akademiyasi, 122 nafari boshqa oliy ta’lim muassasalariga
qabul qilingani bildirildi. Shundan so`ng o`quvchilar ishtirokida tantanali
parad tashkil qilindi.
Mamlakatimizdagi har bir o`quv muassasasida bo`lgani
kabi Ichki ishlar vazirligi Jizzax akademik liseyida birinchi dars mustaqillik
saboqlari bo`ldi. Bu jarayonda yoshlarning yurtimiz istiqloli uchun kurashgan
ulug` ajdodlarimiz haqida ma’lumotlar berildi.
