Intellektual kameralar o`rnatildi
Zafarobod
tumanining aholi gavjum joylari, ijtimoiy soha ob’ektlari hamda chorrahalariga
intellektual videokuzatuv kameralari o`rnatilayapti. Chunonchi, “Xavfsiz hudud”
tamoyili asosida tumanning “Bo`ston”, “Samarqand” va “Uzun” MFYga 16 ta
videokameralari qo`yildi. Tuman prokurori va tuman IIB boshlig`i hamda
mutasaddilar ushbu kameralarning joylashuvini ko`zdan kechirishdi.
Mutaxassislarning
ma’lum qilishicha, kameralarning 5 tasi yuzdan shaxsni tanish, 8 tasi
avtotransport vositalarining davlat raqamini aniqlashga ixtisoslashgan.
Shuningdek, 4 tasini 360 daraja aylanuvchi videokuzatuv kameralari tashkil
etadi.
Ma’lumot
o`rnida, kelgusida tuman hududiga o`rnatiladigan shunday intellektual kameralar
sonini 66 taga etkazish ko`zda tutilgan. Hozirda sog`liqni saqlash va ta’lim
muassasalariga ham yuzdan shaxsni tanuvchi videokuzatuv kameralarini o`rnatish
ishlari olib borilayapti. Shu qatorda 10 ta mahallaga aholini ogohlikka
chaqirish uchun ovoz kuchaytirgichlar ham o`rnatildi.
Bundan
tashqari tuman qo`riqlash bo`limi xodimlari tomonidan fuqarolarga xonadonlar va
tadbirkorlik ob’ektini ishonchli qo`riqlash, bunda o`rnatiladigan maxsus
jihozlarning afzalligi va qulayligi, xizmat ko`rsatish tartiblari targ`ib
qilinayapti.
