Jizzax viloyati ichki ishlar boshqarmasida jinoyat qidiruv, jamoat xavfsizligi xizmati, ma’naviy-ma’rifiy ishlar tizimlari hamda hududiy ichki ishlar organlari rahbar va o`rinbosarlari ishtirokida videoselektor yig`ilishi tashkil etildi. Boshqarma boshlig`i raisligida o`tgan tadbirda soha vakillarining joriy yilning o`tgan davridagi faoliyati tahlil qilindi.

Mazkur jarayonda Ichki ishlar vazirining 2025 yil 9 apreldagi “Xavfsiz va Sog`lom yurt” tezkor-profilaktik tadbirlarini samarali tashkil qilish, xususan, kriminogen vaziyatga salbiy ta’sir etuvchi shaxslarni aniqlash va ularning qonunga zid xatti-harakatlariga chek qo`yish, giyohvandlik va psixotrop moddalar savdosi, ko`cha bezoriligi, guruh bo`lib jinoyatga qo`l urish, qurol-yarog` va o`q-dorilarni noqonuniy saqlash kabi qonunbuzarliklarning oldini olish masalalariga e’tibor qaratildi.

O`z navbatida, bu yo`nalishda yo`l qo`yilgan kamchiliklarni bartaraf etish bo`yicha ichki ishlar organlari organlari va sohaviy xizmatlar rahbarlariga topshiriqlar berildi. Shuningdek, yig`ilishda “Qoradori - 2025” tezkor tadbirlarini o`tkazish, qidiruv ishini tashkil etish, ob’ektlarga yuzni tanib oluvchi kuzatuv kameralarini o`rnatish hamda qurilmalarni “Qalqon” platformasiga integrasiya qilish masalalari ko`rib chiqildi.

Bundan tashqari, “E-material” tizimiga materiallarni kiritish, yurituvdagi ish hujjatlari va aholi murojaatlarini ko`rib chiqish, jinoyat ishi qo`zg`atilishi borasidagi vazifalariga sovuqqonlik bilan yondashayotganlar tanqid ostiga olindi va kamchiliklarni bartaraf etish muddatlari belgilandi. Yig`ilishda bir qator mutasaddilarning hisobotlari tinglandi. Yakunda ko`tarilgan masalalar yuzasidan tegishli qarorlar qabul qilindi.