Kuchlilar g`oliblikni tantana qilishdi
Jizzax viloyati ichki
ishlar organlari xodimlari sportning voleybol turi bo`yicha viloyat ichki
ishlar boshqarmasi boshlig`i kubogi uchun bellashishdi. Boshqarma sohaviy
xizmatlari hamda hududiy ichki ishlar organlari xodimlaridan iborat jamoalar
ishtirokidagi mazkur musobaqa “Dinamo” JT va SJ viloyat kengashi sport zalida
o`tkazildi.
Qizg`in kechgan bahs
finalida Jizzax viloyati IIB JXX JTSB hamda Arnasoy tumani ichki ishlar
boshqarmasi jamoalari yuzma-yuz kelishdi. Teng kurashlar ostida o`tgan
uchrashuvda JTSB voleybolchilariga omad kulib boqdi va ular kubokni qo`lga
kiritib, g`oliblikni tantana qilishdi. O`z navbatida ikkinchi o`rinni
arnasoylik hamda uchinchi o`rinni Jizzax shahar ichki ishlar boshqarmasi
jamoasi egalladi.
Musobaqa yakunida g`oliblar
viloyat ichki ishlar boshqarmasi tomonidan diplom va qimmatbaho sovg`alar bilan
taqdirlanishdi.
