Kursantlar va o`quvchilar uchrashuvi o`tkazildi
IIV
Akademiyasining Jizzax viloyati ichki ishlar organlarida amaliyot o`tayotgan
kursantlari Jizzax shahridagi 30- sonli o`rta umumta’lim maktabi o`quvchilari
bilan uchrashishdi. Ma’naviy-ma’rifiy tadbirda oliy ta’lim dargohining jinoyat
huquqi kafedrasi dosenti, podpolkovnik Doniyor Usmonov ma’ruza qildi. Notiq
mamlakatimizda yosh avlodning ta’lim olishi, kasb-hunar egallashi uchun
yaratilgan sharoitlar, berilayotgan imkoniyatlar haqida so`z yuritdi.
Shuningdek, IIV Akademiyasida ta’lim jarayoni haqida ma’lumot berdi.
Bundan tashqari
yoshlar ishtirokida sodir etilayotgan jinoyatlar, xususan giyohvand moddalar
bilan bog`liq qonunbuzarliklar ham tilga olindi. Mavzuga oid taqdimotlar
qilinib, videoroliklar namoyish etildi.
Akademiya
kursantlari giyohvandlikning salbiy oqibatlari, hozirda o`tkazilayotgan
“Yoshlar orasida giyohvandlik moddalar tarqalishining oldini olish” tezkor
profilaktik tadbiri doirasidagi uchrashuvlar o`z navbatida o`nayotgan avlodning
bilimini oshirish bilan birga jamiyat taraqqiyotiga salbiy ta’sir etuvchi
illatlardan ogohlikka chaqirishda muhim ekanligini qayd etishdi.
Ma’naviy-ma’rifiy
tadbirda maktab o`quvchilari mavzu yuzasidan fikrlarini bildirishib, o`zlarini
qiziqtirgan savollariga javob olishdi.
