Elning asl farzandlari yodga olindi
“Zomin” sog`lomlashtirish oromgohida xizmat vazifasini bajarish chog`ida vafot etgan xodimlarning oila a’zolari ishtirokida ikki kunlik madaniy-ma’rifiy tadbir uyushtirildi. 25 oktyabr – Ichki ishlar organlari xodimlari kuni munosabati bilan tashkil qilingan ushbu tadbir davomida mehmonlarning “Zomin” turistik-rekreasion zonasida ko`ngilli dam olishlari ta’minlandi. Xususan, ular arxeologiya, arxitektura, monumental san’at yodgorliklari, madaniy meros ob’ektlarida bo`lishib, mazmunli hordiq chiqardilar.
Shuningdek,
ichki ishlar organlari xodimlari faoliyatiga oid badiiy kecha bo`lib o`tdi.
Mazkur jarayonda viloyat ichki ishlar boshqarmasi boshlig`i, general-mayor
G`ayrat Qodirov so`zga chiqib, mamlakatimizda fuqarolarning turmush
madaniyatini yuksaltirish hamda osoyishtalik ta’minlash borasida amalga
oshirilayotgan islohotlar, xususan, ichki ishlar organlari tizimida kechayotgan
yangilanishlarga to`xtaldi.
Bundan
tashqari, xizmat burchini bajarish chog`ida xalok bo`lgan xodimlar yodga
olinib, ular xotirasini abadiylashtirish bo`yicha qilinayotgan ishlar
to`g`risida ma’lumotlar berildi. So`ng
qatnashchilarga viloyat ichki ishlar boshqarmasining bayram sovg`alari
topshirildi.
