Yashnabodda aholi bilan muloqt o`tkazildi
Jizzax viloyati
ichki ishlar boshqarmasi boshlig`ining birinchi o`rinbosari, podpolkovnik Akmal
Muratov G`allaorol tumanining Yashnabod MFYda sayyor qabul o`tkazdi. Muloqotda
10 dan ziyod fuqaro o`zlarini qiynayotgan muammolarini hal etishda yordam
so`rashdi. Xususan, salomatligini tiklash, moddiy yordam ajratish, ishga
joylashish, fuqarolik pasporti olish, yashash xonadoniga kadastr hujjati
rasmiylashtirishga oid masalalar mutasaddilar ishtirokida muhokama qilinib, ularni
hal qilish choralari belgilandi.
Bundan tashqari
bog`dorchilik faoliyati uchun zarur bo`layotgan tomchilatib sug`orish
uskunalariga kredit ajratish, uy-joy ta’miri, ko`chalarni ta’mirlash kabi
murojaatlarga ham echim izlandi. Qabulda ko`tarilgan ijtimoiy-iqtisodiy va
maishiy masalalarini o`z vaqtida bartaraf etish bo`yicha mas’ullarga
topshiriqlar berildi.
Tadbir davomida
o`zini o`zi band qilish uchun 12 kishiga subsidiya asosida tikuv moshinkalari
va payvandlash uskunalari, 3 kishiga eshitish moslamasi, qo`ltiqtayoq va
nogironlik aravachasi, 16 yoshga to`lgan 5 nafar yoshlarga ИД kartalar
topshirildi. 4 nafar tashabbuskor yoshlar viloyat ichki ishlar boshqarmasi
boshlig`ining faxriy yorliq va estalik sovg`alari bilan taqdirlanishdi.
