Paxta qo’shni tumanga olib ketilayotgandi
Ichki ishlar organlari xodimlari Do’stlik tumani Bog’zor mahalla fuqarolar yig’ini hududidan o’tuvchi ichki yo’lda davlat raqam belgisiga ega bo’lmagan, 4 tirkamali “TTZ-80” rusumli traktorni to’xtatdilar.
Tumanning Oltin vodiy mahalla fuqarolar yig’inida yashovchi mexanizator tirkamalardagi 8 tonna paxtaga oid hujjatlarni taqdim qila olmagan. Ushbu xom ashyo Oltin vodiy mahalla fuqarolar yig’inida yashovchi, Sarkisov suv iste’molchilari uyushmasi tarkibidagi fermer xo’jaligi rahbariga tegishli bo’lib chiqdi.
Paxtani Arnasoy tumaniga olib borish rejalashtirilgan ekan. Hujjatlashtirib olingan xom ashyo paxta qabul qilish punktiga topshirilib, tergovga qadar tekshiruv harakatlari olib borilmoqda. Bu jarayonda tirkamalardagi paxtaning kimga atalganligi ayon bo’lsa, ajab emas.
