Profilaktika katta inspektori, kapitan Javlon Ismoilov Jizzax shahar ichki ishlar boshqarmasining eng faol xodimlaridan biri
Profilaktika katta inspektori, kapitan Javlon Ismoilov Jizzax shahar
ichki ishlar boshqarmasining eng faol xodimlaridan biri. Jumladan, joriy
yilning o`tgan davrida u giyohvand moddalar bilan bog`liq 2 ta jinoyatni fosh
qilishga muvaffaq bo`ldi. Xuddi shunday,
profilaktika katta inspektori huquqbuzarlik va jinoyatlarning oldini
olish borasida faollik ko`rsatyapti.
Chunonchi, bugungacha “Oqqo`rg`onlik” mahallasi oltiligiga muayyan
shaxslarni qiynayotgan masalalar yuzasidan 149 ta xulosa kiritdi. Natijada 50
dan ortiq kishi ish bilan ta’minlandi. Mazkur ko`rsatkichni yil so`ngiga qadar
180 nafarga etkazish rejalashtirgan. Shuningdek, kapitan tomonidan yuzga yaqin
huquqbuzarga nisbatan ma’muriy bayonnomalar rasmiylashtirildi.
O`z navbatida ichki ishlar
organlarida profilaktik hisobda turuvchi 29 nafar, ma’muriy nazorat ostiga
olingan 2 nafar, ichkilikka ruju qo`ygan 6 nafar shaxs hamda 4 ta nizoli
oilalar vakillari bilan doimiy ravishda profilaktik tadbirlarni amalga
oshirmoqda. Shu kabi sa’y-harakatlar natijasida bir yarim yildan buyon
“Oqqo`rg`onlik” mahallasi “yashil” toifada.
