26 Iyun 2024 yil 1692

3- sektor rahbari Yangiobod tumanida sayyor qabul o`tkazdi


Jizzax viloyati ichki ishlar boshqarmasi boshlig`i, general-mayor G`ayrat Qodirov Yangiobod tumani “Xovotog`” QFYda sayyor qabul o`tkazdi. Muloqotda tumanning Qo`shqand, Uchturgan va Qo`riq qishloqlarida istiqomat qiluvchi fuqarolar o`zlarini qiynayotgan muammolarini hal etishda yordam so`rashdi.

Xususan, yashash xonadonini ichimlik suvi tarmog`iga ulash, eskirgan elektr simyog`ochlarni yangilash, moddiy yordam ajratish, elektr kuchlanishini yaxshilashga oid masalalar ko`tarildi. Bundan tashqari ichki ko`chalarga shag`al yotqizish, chorvachilik uchun kredit olish bilan bog`liq muammolarga ham mutasaddilar ishtirokida echim izlandi.

Ochiq muloqot so`nggida boshqarma boshlig`i murojaatlarni izchillik bilan hal etish orqali aholiga zarur yordam ko`rsatish yuzasidan mas’ullarga vazifalar yukladi. Shuningdek, sektor rahbari “Ayollar daftari”da ro`yxatda turgan 4 nafar xotin-qizlarga elektr pechi, 5 kishiga o`zini-o`zi band qilishi uchun kredit ajratilganligi, 4 nafar yoshlarga moddiy yordam ko`rsatilishiga oid sertifikat topshirildi. Shuningdek, O`zbekiston Respublikasi fuqaroligi bo`lmaganlarga ИД kartalar topshirdi.

Muloqot davomida mutasaddilar tomonidan ayrim masalalar joyiga chiqilgan holda o`rganilib, oilalarga yordam ko`rsatilishi belgilandi.

Text to speech