Yig’ilishda viloyat sektor rahbarlari, viloyat hokimi o’rinbosarlari, viloyat, shahar va tumanlar prokurorlari, ichki ishlar organlari rahbarlari, huquqbuzarliklar profilaktikasi tizimi mas’ullari, huquqni muhofaza qiluvchi idoralar, mahalla raislari, keng jamoatchilik vakillari ishtirok etishdi. Tadbir avvalida viloyat hokimi Farg’ona shahrida Ichki ishlar vazirligining kengaytirilgan hay’at yig’ilishida respublikamiz Prezidenti tomonidan belgilab berilgan vazifalarning viloyatimizda bajarilishi xususida so’z yuritdi. Xususan, mahallalarda jinoyatchilikni jilovlash, krimnogen vaziyat murakkab bo’lgan, “qizil” toifadagi mahallalarni jinoyatdan holi mahallaga aylantirish, “ijtimoiy profilaktika” tamoyili asosida ish olib borish hamda profilaktika inspektorlarining xizmat faoliyati natijadorligini oshirish, profilaktika inspektorlarining xizmat sharoitini yanada yaxshilash masalalariga e’tibor qaratdi.

Shuningdek, Ergash Saliyev joriy yilning o’tgan davrida viloyatda sodir bo’lgan huquqbuzarlik va jinoyatlar to’g’risida ma’lumot berdi.

Uchrashuvda Jizzax viloyati prokurori Islomjon Ergashxo’jayev hamda viloyat IIB boshlig’i, general-mayor G’ayrat Qodirov Jizzax shahri hamda SHarof Rashidov tumanlarida aholi osoyishtaligini ta’minlash, jamoat xavfsizligini saqlash, huquqbuzarliklarning barvaqt oldini olish, jinoyatchilikka qarshi kurashish borasida amalga oshirilgan ishlar xususida ma’ruza qilishdi.

Yig’ilishda sodir etilgan qonunbuzilishlar mahallalar kesimida tahlil qilinib, ularning sabab va omillari tilga olindi. SHu qatorda hamkor tashkilotlar bilan birgalikda mahallalarda huquqbuzarliklar profilaktikasi va jinoyatchilikka qarshi kurashish tizimini takomillashtirish, hududlarda “Obod va xavfsiz mahalla” tamoyili asosida ishni tashkil etish, profilaktika inspektorining ishini yengillashtirish va ish natijadorligini oshirishga oid takliflar bildirildi.

Uchrashuvda Jizzax shahridagi kriminogen vaziyati og’ir bo’lgan Bobur hamda Sharof Rashidov tumanining Qahramon mahallalarini “jinoyatdan xoli mahalla”ga aylantirish bo’yicha qilinishi lozim bo’lgan vazifalar belgilandi. Bu borada qilinishi lozim bo’lgan ishlar bo’yicha sektor rahbarlari, mahallalar beshligi hamda mutasaddilarga aniq topshiriqlar berildi. Xullas mazkur tadbirda mahallalarda xavfsiz muhitni yaratish ahvoli muhokama qilinib, bu boradagi ustuvor vazifalar belgilab olindi.