SHodlik va baxt kuychisi
IIV Jizzax akademik litseyi o’quvchilarining buyuk ajdodlarimiz qoldirgan boy ma’naviy merosni chuqur o’rganishi, ularning ma’naviy dunyosini boyitish, olayotgan nazariy bilimlarini mustahkamlash maqsadida qator tadbirlar uyushtirib boriladi. Galdagi ma’naviy-ma’rifiy tadbir Jizzax viloyati tarixi va madaniyati davlat muzeyi Hamid Olimjon va Zulfiya filialida tashkil etildi. SHodlik va baxt kuychisi, iste’dodli shoir, dramaturg, olim, davlat va jamoat arbobi Hamid Olimjon tavalludiga bag’ishlangan kechada o’quvchilar shoir qalamiga mansub she’rlardan o’qishdi. Hayoti va ijodiga oid savollarga javob berish orqali o’z bilimini namoyish etishdi. Badiiy tadbir davomida o’quvchilar shoirning hayoti va ijodiga tegishli eksponatlar, fotogalereyalar, turli mavzudagi asarlari, asl qo’lyozmalar bilan tanishishdi.
Qayd etish joiz, muzeyning bir yonida Hamid Olimjonning hayoti, ijodi aks ettirilgan hujralar, bir yonida esa Zulfiyaxonimga tegishli eksponatlar joylashtirilgan hujralar bo’lib, ularga tegishli asarlar, davlat mukofotlari, baxtli hayoti aks ettirilgan rasmlar, ijodkorlarning tarixiy liboslari ko’rgazmasi tashkil qilingan. Qisqasi, o’nayotgan avlod Hamid Olimjon hayoti, ijodi va faoliyatini o’rganishga bag’ishlangan tadbirda bilimlarini yanada boyitib qaytishdi.
