Jizzax viloyati IIB 40- sonli maktabgacha ta’lim tashkiloti to’liq rekonstruksiyadan chiqarildi. Ta’lim-tarbiyaga oid uslubiy tavsiyalar va ta’limga oid ma’lumotlarni aks ettiruvchi pannolarni devorlarga o’rnatish ishlari yakunlanishi bilan bino foydalanishga topshiriladi. SHu ma’noda viloyat IIB boshlig’i, general-mayor G’ayrat Qodirov maktabgacha ta’lim tashkilotida yaratilgan sharoitlar bilan tanishdi.

Ma’lumot o’rnida aytish kerak, 310 o’rinli mazkur muassasa 12 ta mashg’ulot xonasi va yana shuncha yotoqxonaga ega. Mazkur xonalar barcha zaruriy anjom va qurollar bilan ta’minlangan. Hovlida cho’milish havzasi, 2 ta sport maydonchasi hamda yo’l harakati xavfsizligi maydoni mavjud. Binoning ichki qismida musiqa xonasi, 2 ta sport zal bor. Zallardan biri yo’l harakati xavfsizligi qoidalarini o’rgatishga ixtisoslashtirilgan.

Muassasa imkoniyatlariga mos ravishda oshxona ham qulay va shinam. SHuningdek, logoped, psixolog kabi xodimlar uchun zarur sharoitlar yaratilgan. Bino hududi bugungi kun talablari darajasida obodonlashtirilgan. Qolaversa, 60 dan ortiq kuzatuv kameralari hududni qamrab olgan, bu uskunalar ovoz yozish xususiyatiga ega. Tabiiyki, yong’in xavfsizligi va boshqa turdagi favqulodda vaziyatlarga doxil chora-tadbirlar belgilangan.

Jizzax viloyati ichki ishlar boshqarmasi boshlig’i bino sharoitlari bilan tanishish jarayonida tashkilot hovlisiga manzarali daraxt ko’chatlari o’tqazish, hududni tunda yoritish, muassasadagi kuzatuv qurilmalarini ichki ishlar organlari vaziyatlar markaziga integratsiya qilish yuzasidan tavsiya va topshiriqlarini berdi. Tez kunlarda yangilangan MMT foydalanishga topshiriladi