19 Aprel 2021 yil
834
Tezkor qidiruv natijasida o’g’rilar ushlandi
Jizzax shahridagi Amir Temur mahallasida yashovchi T.S.ning hovlisidan 5 bosh qoramol o’g’irlab ketildi. Bu to’g’rida jabrlanuvchi ichki ishlar organlariga murojaat qilgach, soha vakillari tomonidan olib borilgan tezkor qidiruv tadbirlari natijasida o’g’rilar ushlandi.
Ma’lum bo’lishicha, Jizzax shahrining Zargarlik mahallasida istiqomat qiluvchi J.B. hamda Amir Temur mahallasida yashovchi SH.A. kechasi devor oshish yo’li bilan mazkur jinoyatni sodir etishgan. O’g’irlangan qoramollardan ikkitasi Zomin tumani Dashtobod shaharchasi hududidagi fermer xo’jaligi dalasida olib kelingan. 21 yoshli ayblanuvchilar hibsda, tergov harakatlari olib borilyapti.
