Ichki ishlar organlari xodimlari va faxriylari chuqurlashtirilgan tibbiy ko`rikdan o`tkazildi
Respublika
ixtisoslashtirilgan kardiologiya ilmiy-amaliy tibbiyot markazi hamda Respublika
ixtisoslashtirilgan endokrinologiya ilmiy-amaliy tibbiyot markazi rahbarlari
boshchiligida bir guruh etuk mutaxassislar Jizzax viloyati IIB tibbiyot
bo`limida soha xodimlari, faxriylar va ularning oila a’zolarini tibbiy
ko`rikdan o`tkazishdi.
Mamlakatimiz
rahbarining 2022 yil 26 yanvardagi “Endokrinologiya xizmatini takomillashtirish
va ko`lamini kengaytirish chora-tadbirlari to`g`risida” hamda “Yurak-qon tomir
kasalliklarining oldini olish va davolash sifatini oshirish chora-tadbirlari
to`g`risida”gi qarorlari ijrosi doirasida tashkil etilgan ko`rikda
murojaatchilarning salomatliklari ko`zdan kechirildi.
Jarayonda
shifokorlar tomonidan kasalliklarga davo muolajalari olish tavsiya qilinib,
ko`rsatmalarga rioya qilish, sog`lom turmush tarzi talablariga amal qilish
lozimligi ham tushuntirildi.
