To`qqiz oylik yakunlari muhokama qilindi
Jizzax
viloyati ichki ishlar boshqarmasida tizim vakillarining qonunbuzarliklarning oldini olish va
jinoyatchilikka qarshi kurashishga qaratilgan 9 oylik faoliyati muhokama
etildi. Viloyat IIB, hududiy ichki ishlar boshqarma va bo`limlari hamda sohaviy
xizmatlar rahbarlari va ularning o`rinbosarlari ishtirokida o`tgan yig`ilishni
viloyat ichki ishlar boshqarmasi boshlig`i, general-mayor G`ayrat Qodirov
boshqarib bordi.
Tadbirda
jinoyatlar oshishiga yo`l qo`yilgan hududlar ichki ishlar organlari rahbarlarining
masalaga oid hisobotlari tinglandi. O`z navbatida mas’ullarga vaziyatni
o`nglash yuzasidan aniq topshiriqlar berildi. Shuningdek, huquqbuzarliklar
profilaktikasi, yo`l harakati xavfsizligi, tashkiliy hamda jinoyat qidiruv
xizmatlari boshliqlarining axboroti eshitildi.
Tadbirda
sektorlarda faoliyat samaradorligini oshirish, aholi murojaatlari bilan ishlash
masalalariga ham e’tibor qaratildi. Tanqidiy ruhda o`tgan yig`ilish yakunida
tegishli qarorlar qabul qilinib, rejalar belgilab olindi.
