Qutlug` sana arafasida
Mamlakatimiz Konstitusiyasi
qabul qilinganligining 31 yilligi nishonlanadigan qutlug` sana arafasida Jizzax
viloyatining Zafarobod tumanidagi Samarqand mahalla fuqarolar yig`ini ahli
hayotida quvonchli va unutilmas voqealar yuz berdi. Ya’ni “Obod mahalla”
dasturi bo`yicha hududda amalga oshirilgan bunyodkorlik ishlari nihoyalanib,
bir qator ijtimoiy hamda infratuzilma ob’ektlari foydalanishga topshirildi.
Mahalla fuqarolar yig`ini binosi, sun’iy qoplamali sport maydoni, profilaktika
inspektorining xizmat uyi kabi bir qator inshootlarning ochilish marosimi
bo`lib o`tdi.
Ana shu munosabat bilan
uyushtirilgan tadbirda elektr, tabiiy gaz, ichimlik suvi ta’minotini
yaxshilash, bandlik, aholining ehtiyojmand qatlamiga moddiy va tibbiy yordam
ko`rsatish borasida qilingan ishlar qayd etildi. Shuningdek, mazkur ezgu
yumushlarga 3- sektor ishchi guruhi qo`shgan hissa e’tirof qilindi. Tadbirda
viloyat IIB boshlig`i, general-mayor G`ayrat Qodirov ishtirok etdi.
