Huquqbuzarliklarning barvaqt oldini olish borasida “Dolzarb 40 kunlik” profilaktik tadbiri davom etmoqda
Jizzax viloyatida kriminogen vaziyatni yaxshilash,
huquqbuzarliklarning barvaqt oldini olish, jinoyatchilikka qarshi kurashish,
targ`ibot tadbirlari samaradorligini oshirishga qaratilgan “Dolzarb 40 kunlik”
tezkor-profilaktik tadbiri davom etmoqda. Mazkur tadbir doirasida viloyat IIB
JXX JTSB boshlig`i, podpolkovnik Akrom Misirov Jizzax shahrining Qaliya
mahallasida beshlik va hudud faollari, aloqador tashkilotlar rahbarlari bilan
uchrashuv o`tkazdi.
Mazkur tadbirda hududda jinoyatchilikka qarshi
kurashishning bugungi holati muhokama qilindi. Shu bilan birga
qonunbuzarliklarning oldini olishda jamoatchilik rolini oshirish, kafe va
restoranlarning tunda belgilangan vaqtgacha faoliyat ko`rsatishini ta’minlash,
bu borada jamoatchilik nazoratini kuchaytirish lozimligi ta’kidlandi.
Shuningdek, yangi yil bayrami arafasida mahalla
faollaridan iborat guruh tuzilib, tungi vaqtda jamoat tartibini saqlash,
qonunbuzarliklarning oldi olishda profilaktika inspektoriga yordam berish
zarurligi qayd etildi.
Yig`ilish davomida kelgusida hamkorlikda amalga
oshiriladigan ishlar belgilab olindi.