8 Fevral 2024 yil 1677

“Vatan muqaddas, uni himoya qilish sharafli burchdir!” mavzuida ma’naviy-ma’rifiy tadbir o`tkazildi

           IIV Jizzax akademik liseyida “Vatan muqaddas, uni himoya qilish sharafli burchdir” mavzusida ma’naviy-ma’rifiy tadbir o`tkazildi. IIV Akademiyasining viloyat ichki ishlar organlarida bitiruv malakaviy ishi oldi amaliyotini o`tayotgan kursantlar hamda akademik lisey o`quvchilari ishtirokidagi mazkur tadbirda oliy ta’lim dargohining jinoyat huquqi kafedrasi dosenti, podpolkovnik Doniyor Usmonov ma’ruza qildi. Notiq o`z so`zida vatan muqaddas, uning har qarich tuprog`i aziz va mo`’tabar ekanligini ta’kidladi.

Tadbir davomida Akademiya kursantlari oliy ta’lim muassasasidagi ta’lim jarayoni, yaratilgan sharoitlar va qulayliklar xususida ma’lumot berishdi. Shuningdek, kursantlardan iborat targ`ibot guruhi tomonidan “Yoshlar orasida giyohvandlik moddalarning tarqalishining oldini olish” tezkor profilaktik tadbiri doirasida giyohvandlikning salbiy oqibatlari tushuntirildi.

Ma’naviy-ma’rifiy tadbirda lisey o`quvchilari va kursantlar mavzu yuzasidan fikrlarini bildirishib, o`zlarini qiziqtirgan savollariga javob olishdi.

Text to speech