Jizzax viloyati IIB boshlig`i, 3-sektor rahbari general-mayor G`.Qodirovning sayyor qabuli Mirzacho`l tumanida tashkil etildi
Jizzax viloyati ichki ishlar boshqarmasi boshlig`i, general-mayor
G`ayrat Qodirovning navbatdagi sayyor qabuli Mirzacho`l tumanining
“O`zbekiston” QFYda o`tkazildi. Qabul avvalida “Yil ayoli” ko`rik-tanlovining
tuman bosqichi g`olibi hamda 9 nafar tashabbuskor hudud yoshlari boshqarma
boshlig`ining esdalik sovg`alari bilan taqdirlanishdi.
Muloqotda fuqarolar 3- sektor rahbaridan o`zlarini qiynayotgan muammolarini
hal etishda yordam so`rashdi. Xususan, suv quvurlarini ta’mirlash, suv
hisoblagich o`rnatish, ariqqa yo`l o`tkazgich qurish, elektr ustunlarni
almashtirish, ko`chalarni shag`allashtirish, piyodalar yo`lakchasi qurishga oid
masalalar ko`tarildi.
Bundan tashqari ish bilan ta’minlash, yashash xonadonini isitish,
nafaqa puli ajratish, tadbirkorlik faoliyatini yanada rivojlantirish, yashash
uyi uchun kadastr hujjatlarini yangilash kabi masalalarga mutasaddilar
ishtirokida echim izlandi.
Sektor rahbari ko`tarilgan masalalarni o`z vaqtida hal etish,
mummolarni xonadonbay va mahallabay o`rganish orqali hal etish bo`yicha
mas’ullarga topshiriqlar berdi.
Sayyor qabul davomida boshqarma boshlig`i mas’ullar bilan birga
Islomobod jome masjidini ta’mirlashga oid masalani joyida ko`zdan kechirdi.
Jarayonda masjid atrofini betonlash, yo`laklarni ta’mirlash, atrofni obod
qilish bo`yicha mutasaddilarga ko`rsatmalar berdi. Shuningdek, mahalladagi 16-
sonli davlat maktabgacha ta’lim tashkilotida olib borilgan bunyodkorlik ishlari
bilan tanishdi.