Jizzax viloyati IIB sohaviy xizmatlari xodimlari ishtirokida “O`zbekiston-2030” strategiyasi – xalq strategiyasi” mavzuida navbatdagi ma’naviy-ma’rifiy tadbir o`tkazildi. Yig`ilishda O`zbekiston Respublikasi Ma’naviyat va ma’rifat markazi Jizzax viloyat bo`limi mutaxassisi Sherzod Nishonov ma’ruza qildi. Notiq o`z so`zida davlatimiz rahbarining joriy yil 11 sentyabrdagi “O`zbekiston – 2030” strategiyasi to`g`risida”gi farmoni bilan “O`zbekiston – 2030” strategiyasi tasdiqlangani, unda o`z aksini topgan insonparvarlik siyosati, “Inson qadri uchun” tamoyili ijrosi yo`lidagi dadil qadamlar, yaqin kelajakda amalga oshiriladigan keng ko`lamli islohotlar, aniq maqsad va vazifalar xalqimiz hayotiga yangicha mazmun bag`ishlashini ta’kidladi.

Qayd etilishicha, ushbu muhim hujjatda aks ettirilgan g`oyalar har bir fuqaroga o`z salohiyatini rivojlantirish uchun imkoniyatlarni yaratish, sog`lom, bilimli va ma’naviy barkamol avlodni tarbiyalash, global ishlab chiqarishning muhim bo`g`iniga aylangan kuchli iqtisodiyotni shakllantirish, adolat, qonun ustuvorligi, xavfsizlik va barqarorlikni kafolatli ta’minlashga xizmat qilishi, davlat organlarining xalq irodasini ifoda etib, uning manfaatlariga xizmat qilishini yangi bosqichga ko`tarishiga xizmat qilishi aytildi.

Ma’rifatda, shuningdek IIV hamda viloyat IIB boshlig`ining buyrug`i bilan navbatdagi maxsus unvonlar xodimlarga topshirildi.

Tadbir davomida IIV “Dinamo” jismoniy tarbiya va sport jamiyati Jizzax viloyat kengashi tomonidan huquqni muhofaza qiluvchi organlar xodimlari o`rtasida sportning engil atletika turi bo`yicha o`tkazilgan musobaqa g`oliblari taqdirlanishdi. Shuningdek, an’anaviy tarzda savol-javoblar qilindi.