O`zbekiston Qurolli kuchlari tashkil etilganligining 33 yilligi hamda Vatan himoyachilari kuni munosabati bayram tadbiri uyushtirildi
O`zbekiston Qurolli kuchlari tashkil etilganligining 33 yilligi hamda
Vatan himoyachilari kuni munosabati bilan Jizzax viloyati ichki ishlar
boshqarmasida bayram uyushtirildi. “Yangi O`zbekiston armiyasi – mamlakat
tayanchi, xalqimiz faxri!” shiori ostida o`tgan tantana avvalida Jizzax
viloyati ichki ishlar boshqarmasi boshlig`i, general-mayor G`ayrat Qodirov
Ichki ishlar vazirining tabrigini o`qib eshittirib, yig`ilganlarni bayram bilan
qutladi.
Shundan so`ng Ichki ishlar
vaziri buyrug`i asosida jinoyatchilikka qarshi kurashish va
qonunbuzarliklarning oldini olish borasidagi samarali xizmatlari uchun bir
guruh xodimlarga muddatidan oldin va navbatdagi maxsus unvonlar, “A’lo
xizmatlari uchun”, “Ichki ishlar organlarida benuqson xizmatlari uchun” hamda
“To`maris” ko`krak nishonlari, faxriy yorliqlar, esdalik qo`l soatlari,
kitoblar jamlanmalari topshirildi.
2 nafar faxriy esa “Ichki ishlar organlarining faxriy xodimi” ko`krak
nishoni bilan taqdirlandi. Tadbirda Ichki ishlar vazirligi maxsus
operasiyalarni muvofiqlashtirish boshqarmasi hamda Jizzax viloyati ichki ishlar
boshqarmasi boshliqlarining buyruqlari asosida soha faollari rag`batlantirildi.
