Jinoyatchilikning barvaqt oldini olish yo`lida
Jizzax shahri
hamda Sharof Rashidov tumanida “Xavfsiz tun” tadbiri doirasida jamoat tartibini
saqlash, jinoyat hamda huquqbuzarliklarning barvaqt oldini olishga qaratilgan
profilaktik tadbirlar o`tkazilmoqda. Mazkur tadbirga jalb etilgan ichki ishlar
organlari sohaviy xizmatlari hamda boshqa huquqni muhofaza qiluvchi organlar
xodimlari uchun yo`riqnoma o`tildi.
Jarayonda
Jizzax viloyati ichki ishlar boshqarmasi boshlig`i o`rinbosari podpolkovnik
Rahmatulla Bo`riev fuqarolar osoyishtaligini saqlash, kriminogen vaziyat
barqarorligini ta’minlashga qaratilgan aniq vazifalar belgilab berdi.
Shundan so`ng
xodimlar aholi xonadonlarida fuqarolar bilan muloqot qilishdi. Jarayonda
ro`yxatda turish qoidasiga rioya etilishi, tabiiy gaz va elektr energiyasidan
foydalanishda xavfsizlik qoidalariga amal qilish lozimligi tushuntirildi.
Har qanday
qonunbuzilishiga guvoh bo`lganda zudlik bilan ichki ishlar organlariga xabar
berish, ogoh va hushyor bo`lish lozimligi ta’kidlandi. Shu bilan birga
fuqarolarning mavjud masalalariga ham e’tibor qaratildi. Mavjud muammolari
tinglanib, ko`tarilgan masalalar mutasaddilarga etkazildi.
Bundan tashqari
xonadonlarni kuz-qish mavsumiga shay holatga keltirish, is gazi bilan bog`liq
ko`ngilsiz holatlardan ogoh bo`lish kerakligi tushuntirildi. Qisqasi mazkur
tadbirlar orqali qonunbuzarlik sodir etilishiga sabab bo`luvchi omillar
bartaraf etilayapti.