3 Iyun 2024 yil 1217

Jizzax viloyatida Cyber-month oyligi boshlandi

Jizzax viloyatida 3 iyundan “Kibermadaniyatni yuksaltirish oyligi – “Cyber-month” kompleks targ`ibot tadbiri boshlandi. Shu munosabat bilan Jizzax shahridagi kibersport arenasida matbuot va OAV vakillari, jurnalistlar va blogerlar, huquqni muhofaza qiluvchi idoralar, korxona va tashkilotlar mas’ullari ishtirokida matbuot anjumani o`tkazildi. Tadbirda viloyat hokimi o`rinbosari Akmal Savurboev va viloyat IIB boshlig`ining birinchi o`rinbosari, podpolkovnik Akmal Muratov, IIV TQD Kiberxavfsizlik markazi mas’ul xodimi Laziz Atoevlar mazkur oylikning maqsad va vazifalari, rejalangan ishlar xususida ma’lumot berishdi.

Ta’kidlanishicha, joylarda mobil targ`ibotlar bilan birga “Eng faol mahalla”, “Internet tarmog`idan xavfsiz foydalanaman”, “Firibgarlardan ehtiyot bo`ling”, “Eng yaxshi milliy kontent” kabi yo`nalishlarda tanlovlar, kibersport musobaqalari, ИТ sohasida onlayn olimpiadalar, kibertahdidlardan himoyalanish bo`yicha o`quv kurslari, sektorlar rahbarlarining fuqarolar bilan uchrashuvlari tashkil etiladi.

Matbuot anjumanida kiberjinoyatchilarning aldoviga ishonib jabrlanlangan fuqarolar o`z kechmishlarini bayon etishdi. Bundan tashqari matbuot va ommaviy axborot vositalari vakillari mutaxassislardan o`zlarini qiziqtirgan savollariga javob olishdi.



Jizzax viloyati IIB axborot xizmati

Text to speech