Jizzax viloyatida istiqlolning 33 yilligi shukuhi
Jizzax viloyati ichki
ishlar organlari xodimlari va ularning oila a’zolari, soha faxriylari hamda
xizmat vaqtida halok bo`lgan xodimlarning yaqinlari O`zbekiston Respublikasi
davlat mustaqilligining 33 yilligini nishonlashdi. “Bir bo`lsak – yagona xalqmiz,
birlashsak – Vatanmiz!” shiori ostidagi bayram tadbiri “Zomin” turistik
rekreasiyaon hududi amfiteatrida o`tdi. Bayram avvalida viloyat IIB boshlig`i,
general-mayor G`ayrat Qodirov yurtdoshlarimizni mamlakatimiz mustaqilligining
33 yilligi bilan muborakbod etdi.
Badiiy dasturda Vatanni madh etuvchi diltortar
kuy-qo`shiqlar yangradi. O`zbekkonsert Jizzax viloyat bo`limi xonandalari hamda
so`z ustalarining chiqishlari yig`ilganlarga bayram kayfiyati ulashdi. Bundan
tashqari taniqli estrada xonandalarining kuy-qo`shiqlari barchani o`yin-kulguga
chorladi.
Shu kuni IIO xodimlari
o`rtasida tashkil etilgan “Quvnoqlar va zukkolar – 2024” tanlovining mintaqaviy
bosqichi ham o`tkazildi. Xususan, Samarqand viloyati IIBning “Sherdor”, Jizzax
viloyati IIB “VSF” hamda Sirdaryo viloyati IIBning “Zo`r-zo`r” jamoalari
belgilangan shartlar asosida bellashishdi. Bayram tadbir davomida tanlov g`olibligini qo`lga
kiritgan jamoalar munosib taqdirlandi.
