Zomin tumanida huquqni muhofaza qiluvchi organlari rahbarlarining sayyor qabuli o`tkazildi
Tuman markazidagi bolalar musiqa
va san’at maktabida o`tgan qabulda sudlar, prokuratura, adliya va soliq
idoralari qatori ichki ishlar organlariga 10 ga yaqin fuqaro o`zlarini
qiynayotgan masalalarda murojaat qilishdi.
Xususan, qonunbuzarga nisbatan
chora ko`rish, etkazilgan moddiy zararni undirish, bandlik, piyodalar yo`lagi
qurish, firibgarlik kabi masalalarda ko`mak so`raldi. Ayrim fuqarolar
jinoyatchilikni jilovlash, osoyishtalikni ta’minlash yo`lida xizmat qilayotgan
ichki ishlar organlari xodimlariga minnatdorchilik ham bildirishdi.
Jarayonda viloyat ichki ishlar
boshqarmasi boshlig`i o`rinbosari, podpolkovnik Azizbek Xabibullaev har bir
ijtimoiy, huquqiy va iqtisodiy masalalarni mas’ullar ishtirokida ko`rib chiqib,
ularni hal etish nuqtai nazaridan mas’ullarga vazifalar yukladi.
Sayyor qabul davomida 16 yoshga
to`lgan 2 nafar yoshlarga hamda O`zbekiston Respublikasi fuqaroligiga qabul
qilingan 3 nafar shaxslarga ИД kartalar topshirildi.
