27 Декабр 2022 йил
498
“Нурли маскан”да Янги йил нишонланди
Жиззах вилояти ИИБ ташаббуси билан “Нурли маскан” мактаб-интернатида Янги йил байрами уюштирилди. Ўқувчилар иштирокида бўлиб ўтган тантанада вилоятдаги бадиий жамоалар томонидан тайёрланган “Янги йил саргузаштлари” томошаси намойиш қилинди.
Шунингдек, тадбирда ўқувчилар шеър ва қўшиқ айтиш ҳамда рақс тушишга оид иқтидорларини намойиш қилдилар. Сўнг қорбобо болаларни совғалар билан сийлади.
Маълумот ўрнида айтиш керак, жорий йилда мазкур таълим муассасаси капитал таъмирдан чиқарилди ва ўқувчиларнинг таълим олишлари учун қулай шароитлар яратилди. Бу ишга ИИВ ҳамда мактаб-интернатни оталиғига олган Жиззах вилояти ИИБ муносиб ҳисса қўшди. Қисқаси, байрам “Нурли маскан” ўқитувчи ва ўқувчиларига қўшалоқ қувонч бағишлади.
