25 Март 2022 йил
793
От ўғрилари қўлга тушди
2022 йил 25 февралга ўтар кечаси Жиззах вилояти Шароф Рашидов тумани Ёйилма маҳалла фуқаролар йиғинида яшовчи шахсга тегишли от ўғирланди.
Аниқроғи, туманнинг Олтинсой маҳалла фуқаролар йиғинидаги дала майдонида қолдирилган бир бош йилқини кимдир сўйиб, гўштини олиб кетганди. Бу тўғрида отнинг эгаси ички ишлар органларига хабар бергач, жиноят иши қўзғатилди ва тезкор қидирув тадбирлари амалга оширилди.
Натижада мазкур ўғрилик Тошкент вилояти Бекобод тумани Ўзбекистон маҳалла фуқаролар йиғинида истиқомат қилувчи 2 нафар шахс томонидан содир этилгани аниқланди. Тергов ҳаракатлари олиб борилмоқда. Айтганча, отнинг қиймати 6 миллион сўмни ташкил қилган.
