9 Октябр 2020 йил 403

Тангисой олтинини ўғирлаётганлар ушланди

 

Ички ишлар органлари ходимлари томонидан Ғаллаорол туманида ер ости бойликларини талон-тарож қилишнинг олдини олишга қаратилган тадбирлар мунтазам уюштирилмоқда.

Жумладан, бу йўналишдаги саъй-ҳаракатлар натижасида Булоқбоши қишлоқ фуқаролар йиғини ҳудудидаги Тангисой тоғидан олтин рудасини қазиётган 1995 йилда туғилган А.Х. ушланди. Булоқбоши қишлоғида яшовчи ушбу шахсдан 1 дона электродвигатель, 1 дона перфератор ҳамда 10 килограмм руда олинган.

Айни мазмундаги ноқонуний фаолият билан шуғулланаётган яна бир булоқбошилик, 1977 йилда туғилган А.К. ҳам ички ишлар органлари ходимлари томонидан қўлга олинган.

Қонунбузар 1 дона электродвигатель ва 1 дона перфератор ёрдамида Тангисойдан 10 килограмм руда қазиб олганлиги маълум бўлди. Ҳолатлар юзасидан Ғаллаорол тумани ички ишлар бўлими ходимлари томонидан суриштирув ҳаракатлари олиб борилмоқда. 

               

Алижон АБДУСАТТОРОВ.

 

Text to speech