“Ватанпарварлик ойлиги” доирасида...
ИИО “Ватанга ва халққа хизмат қилиш – олий бурчимиз” шиори остида “Ватанпарварлик ойлиги” ўтказилмоқда. Ойлик доирасида вилоят ИИБ томонидан турли маънавий-маърифий ва спорт соғломлаштириш тадбирлари уюштирилмоқда. Навбатдаги тадбирда бошқарма таркибий тузилмалари ва ҳудудий бўлинмалари ходимлари пистолетни тўлиқсиз қисмларга ажратиш ва қайта йиғиш, жанговар қуролдан ўқ отиш бўйича маҳоратларини намоён этишди.
Бошқарма ММИ ва КБТХ касбий тайёргарлик бўлими томонидан ташкил этилган тадбирда ходимларнинг маҳорати баҳоланди. Бу жараёнда белгиланган вақт давомида иштирокчиларнинг қуролни тўлиқсиз қисмларга ажратиш ва қайта йиғиш ҳамда жанговар қуролдан нишонни аниқ уриш малакаси кузатиб борилди.
Ватанпарварлик ойлиги доирасидаги тадбирлар давом этмоқда.
