Жиззах вилояти ички ишлар бошқармаси бошлиғи, генерал-майор Ғайрат Қодиров туманидаги Туёқли маҳалла фуқаролар йиғинида сайёр қабул ўтказди. Тадбир доирасида қишлоқ ва маҳаллаларда яшовчи аҳолининг эҳтиёжманд қатламларини ижтимоий ҳимоялаш борасида олиб борилаётган ишлар билан ҳам танишди.

Туманининг Туёқли маҳалла фуқаролар йиғинида яшовчи Фаҳриддин Шермонов 2018 йилда 30 миллион сўмлик имтиёзли кредит асосида иссиқхона ташкил этган эди. Ҳозирда 16 сотих ер майдонидаги 4 та иссиқхонада бодринг, помидор ва редиска етиштирилаяпти. Ўз навбатида 10 нафар фуқаро доимий иш билан таъминланган.

Жиззах вилояти ички ишлар бошқармаси бошлиғи, генерал-майор Ғайрат Қодиров сайёр қабул аввалида амалга оширилаётган мазкур лойиҳа билан атрофлича танишди ва ҳудудда ердан унумли фойдаланиш, фуқаролар бандлигини таъминлаш бўйича ўз тавсияларини берди.

Шундан сўнг Туёқли маҳалла фуқаролар йиғинида сайёр қабул ўтказди. Мулоқотда Қораянтоқ, Оқтошота, Заҳириддин Муҳаммад Бобур, Яккақайрағоч, Файзобод, Туёқли ва Ҳайрабод фуқаролар йиғинлари аҳолиси иштирок этди. Тадбир аввалида 6 нафар ёшга имтиёзли кредит, яна 5 нафар ёшга олий таълим муассасасига тўлов-шартнома пулларининг 25 фоизи ўтказилганлиги тўғрисида сертификатлар, 16 ёшга тўлган 4 нафар ёшга шахсни тасдиқловчи ID карталар топширилди. 8 нафар хотин-қизлар микротўлқинли печлар ва 2 нафари тикув мошинкаларини қабул қилиб олишди. 6 нафар ташаббускор ёшлар фахрий ёрлиқлар билан тақдирланди.

Сайёр қабул давомида 15 га яқин фуқаро томонидан тиббий кўмак кўрсатиш, турар жой қурилиши, уй таъмири, ишга жойлашиш, тадбиркорлик, электр тармоқлари ўтказиш, трансформатор ўрнатиш, табиий газ ҳамда ичимлик суви таъминотини яхшилаш, кредит ажратилиши ва моддий ёрдам каби масалалар юзасидан мурожаатлар қилинди.

Қабулда кўтарилган ҳар бир муаммо бўйича тегишли вилоят ва туман ташкилотлари масъуллари бириктирилиб, ҳал этиш чоралари белгиланди. 3- сектор раҳбари томонидан бу каби мулоқотлар вилоятнинг барча ҳудудларида ўтказилмоқда.

Жиззах вилояти ИИБ ахборот хизмати