Вазир ўринбосари ва бошқарма бошлиғи ижтимоий соҳа объектларининг куз-қиш мавсумга тайёргарлигини кўздан кечиришди
Ички ишлар вазири ўринбосари, полковник Яхёжон Абдулхаков вилоят ички
ишлар бошқармаси бошлиғи, генерал-майор Ғайрат Қодиров билан Мирзачўл туманида ижтимоий
соҳа объектларининг куз-қиш мавсумига тайёргарлигини кўздан кечирди.
Хусусан, ҳудуддаги 4-, 12- сонли ўрта умумтаълим мактаблари ва 11-
сонли ДМТТнинг мавсумга шайлиги билан танишиш чоғида мавжуд камчиликлар
кўрсатилиб, мавсумни беталофат ўтказиш, хавфсизлик қоидаларига риоя этиш бўйича
масъулларга вазифалар юклатилди.
Жараёнда маҳаллалар фаоллари билан ижтимоий-маънавий муҳитни
соғломлаштириш, жамоат тартибини сақлаш, жиноятчиликка қарши курашиш, ёшларнинг
бўш вақтини мазмунли ташкил этиш, тадбиркорликни ривожлантириш, камбағалликни
қисқартириш бўйича амалга оширилаётган ишлар муҳокама қилинди. Бундан ташқари
аҳоли хонадонларида куз-қиш ойларида табиий газ ва электр энергиясидан
фойдаланиш қоидаларига риоя этилишини тарғиб қилиш зарурлиги уқтирилди.
Жиззах шаҳар ички ишлар органларида олиб борилаётган таъмирлаш
ишларининг боришини ҳам кўздан кечирди. Шунингдек, 34- сонли ДМТТнинг
қозонхоналари фаолиятига ҳам назар ташланди.
