“Чилонзор” ва “Гулистон”да сув муаммоси ҳал қилинади
Жорий йилнинг 8 май куни Жиззах вилояти ички ишлар бошқармаси бошлиғи,
генерал-майор Ғайрат Қодиров Зомин туманида ўтказган сайёр қабулда “Чилонзор”
ҳамда “Гулистон” маҳаллаларида яшовчилар томонидан ичимлик суви муаммоси
кўтарилган эди. Шу маънода, 3- сектор раҳбари ушбу аҳоли пунткларида бўлиб,
туман ҳокимлиги, сув таъминоти корхонаси масъуллари ҳамда маҳалла фаоллари
билан мулоқот ўтказди.
Мазкур жараёнда “Чилонзор”
маҳалласида 1 та артезиан қудуғи ковлаш, сув минораси ўрнатиш ҳамда 8 километр
узунликда қувур ётқизилишига келишиб олинди. “Гулистон”да эса 1 та артезиан
қудуғи қазиш, эскирган сув минорасини янгилаш, қўшимча сув минораси ўрнатиш, 3
километр узунликда қувур тортиш режалаштирилди.
Бу ишлар натижасида 500 та уйда истиқомат қилувчилар, ўрта умумтаълим
мактаби ва мактабгача таълим ташкилоти сув билан узлуксиз таъминланади. Мазкур
лойиҳаларни 3- сектор ишчи гуруҳи ва ҳомийлар томонидан амалга ошириш кўзда
тутиляпти.
