Чорва моллари фермерга зиён етказди
Ички ишлар органлари ходимлари Арнасой тумани Олтин водий маҳалла фуқаролар йиғинида яшовчи шахснинг 8 бош қорамоли Оқбулоқ сув истеъмолчилари уюшмаси таркибидаги фермер хўжалигининг ярим гектар пахта даласини пайҳон қилганлигини аниқладилар.
Зарар миқдори 1 миллион 128 минг сўмни ташкил этган. Эътиборлиси, чорва молларининг эгаси мазкур фермер хўжалигида ишлаган.
Соҳа вакиллари Дўстлик тумани Манас сув истеъмолчилари уюшмаси таркибига кирувчи фермер хўжалигининг 5 сотих пахта майдони 9 бош қорамол томонидан пайҳон қилинганлигини аниқладилар.
Мутахассислар фермер манфаатига 3,5 миллион сўм зарар етказилганлигини билдиришган. Чорва моллари Пахтакор тумани Мингчинор маҳалла фуқаролар йиғинида яшовчи шахсга тегишли бўлиб чиқди.
Ҳар икки ҳолат бўйича терговга қадар текширув ҳаракатлари олиб борилмоқда.
