4 Ноябр 2021 йил
616
Сейфдаги пулларни ким ўмарганди?
Дўстлик тумани Мевазор маҳалла фуқаролар йиғинида истиқомат қиладиган, туман машина трактор парки бухгалтери ички ишлар органларига мурожаат қилган. Мурожаатида ишхонаси сейфидан 78 миллион 600 минг сўм ўғирланганлигини билдирган.
Ҳолат юзасидан жиноят иши қўзғатилиб, олиб борилган тезкор суриштирув давомида жиноят мазкур МТП ходими, туманнинг Алишер Навоий маҳалла фуқаролар йиғинида яшовчи шахс томонидан содир этилгани аниқланди. Ундан 60 миллион сўм пул ва 1 дона темир кесиш ускунаси ҳужжатлаштириб олинган.
